Arquivo para julio 2014

Unha historia apaixoante

Domingo, 27 julio 2014, por Corso

Daniel Pazó Vila de novo na prensa. Despois da magnifica exposición que recolle parte de sua biografía e traballos, dirixida por Jose Manuel ex presi de Marisma da Ramallosa e militante da Cultura Marítima, agora nos volve a sorprender cunha prenda única en España a mariñeira que vestiu durante a guerra civil no bando republicano defendendo a legalidade como gustan de dicir seus fillos.

daniel4

Regata de Faluchos en Bouzas

Domingo, 13 julio 2014, por Corso

O Sábado 19 de Xullo as 17,30 horas celebraremos o “X CAMPIONATO DO MUNDO DE FALUCHOS” estas pequenas embarcacións feitas aproveitando as latas dos bidóns (dos aceites de lubricación das máquinas), de madeiras, masilla e puntas que os rapaces de Bouzas facían nos anos 20, chegaron a ter unha gran relevancia nas festas de Bouzas dos anos 40 ate o punto de que cruzábanse fortes apostas entre os patróns, tamén entre o publico e o premio para o gañador era de 200 pesetas.

Os rapaces empregaban os faluchos para pescar preto da praia, ben para facer de “gaivotos” buscar e recoller as madeiras caídas dos estaleiros ou peixe ao costado dos barcos da sardiña da palometa ou de calquera outra costeira, pero sobre todo o uso mais importante era para facer as regatas. A finais da década dos 50 estas regatas de faluchos cesaron e con elo o uso do falucho.Temos constatado que este tipo de embarcacións ou moi parecidas, construíanse en distintas vilas mariñeiras de Galicia baixo diferentes nomes, pero onde seu uso acadou maior difusión e repercusión foi na nosa Vila de Bouzas dende o ano 1930 ata finais de 1950.

A principios dos 90 se recupera a tradición das regatas de faluchos empregando embarcacións similares en materiais e formas como os que se empregaban antigamente dende entón e de xeito ininterrompido se celebran regatas e dende fai 10 anos a regata senlleira é a das Festas de Bouzas que esta rexistrada pola Cofradia do Cristo coma Campionato do Mundo de Faluchos. Como indicador da relevancia dos faluchos e da actividade recuperadora desta tradición, sinalaremos que un dos principais museos de embarcacións do mundo (a flote e en seco) como é o da poboación bretona de Douarnenez que ten entre as súas pezas dúas embarcacións galegas, unha dorna e un falucho de Bouzas.

Animada xornada de pesca en augas de Bouzas

Martes, 1 julio 2014, por Corso

Un total de 29 participantes de ata 12 anos estiveron pescando no XII Concurso de Pesca Infantil en augas de Bouzas. A Asociación de Mariñeiros organizou novamente este concurso anual co obxectivo de iniciar aos mais pequenos no arte da pesca e fomentar sua practica.

Ademais das administracións, Concello de Vigo e Autoridade Portuaria, tamén contamos co patrocinio de Mundo Moble, Jesús Betanzos e Reloxería Mayo. Houbo trofeos paro os oito primeiros e para a peza maior, tamén houbo unha medalla conmemorativa e unha gorra para todos os participantes que despois da entrega de trofeos repoñeron forzas na sede da asociación.