Despois da completa reparación do bote de manobras, este ano empezamos polas gamelas curuxeiras, eses barcos de formas rectangulares, de fondo case que plano, que noutros tempos eran as embarcacións de artes menores mais importantes na Ria de Vigo. A “Praia da Fontaiña” foi a primeira en pasar polo pendello, e fixaros que bonito quedou o nome que retocou Lorena. “A Marosa” inda sen acabar xa luce os acabados dos artistas que con paciencia danlle as distintas proteccións.
