Arquivo para enero 2016

A voltas ca Pesca Recreativa

Domingo, 31 enero 2016, por Corso

Na Asemblea anual que celebra cada ano FEDEPEMAR, e que se organiza nunha localidade distinta ao longo da costa Galega, este ano 2016 a Asociación Mariñeiros de Bouzas, foi coorganizadora.  A asemblea celebrámola no incomparable marco do Museo do Mar de Galicia, na que os asistentes puídemos desfrutar dunha espléndida visita Guiada, xa pola tarde a asociación anfitriona, (Bouzas) ofrecémoslle unha visita guiada ao pantalan de Barcos Tradicionais.

No “Informe de Xestión” Beiro o presidente de Fedepemar, destacou dos demais puntos, o que a administración segue nas súas 13, de non entender que a pesca recreativa, non é precisamente a que fai dano os recursos pesqueiros, e seguimos a estar en perigo de extinción.

Polo que esta en marcha un estudio serio que demostre a importancia dos recreativos en canto, o importante valor económico que xeramos este tipo de pesca, e a gran cantidade de persoas que mobiliza, no estudio vai participar a Universidade de Santiago, e mesmo poderá haber un congreso sobre o asunto.

Solicitáronnos que todos colaboraramos cubrindo a encuesta que nos facilitaron e que estará dispoñible en todas as asociacións e clubes , para os pescadores.

Rememorando a singradura a Brest 2008

Viernes, 1 enero 2016, por Corso

Neste ano que acaba de comenzar toca concentración en BREST 2016. Noso amigo Ramon Recarei para unha boa entrada do ano, regalanos o vídeo de “Galicia en de Brest 2008” nunha versión mais completa, para que poidamos rememorar e desfrutar de aquel reto sen precedentes para a FGCMF CULTURMAR. Aquel ano no que se desprazaron a Brest 25 embarcacións e 150 persoas.

Naquel ano 2008 no que Galicia foi convidade de honra na Festa Marítima de Brest (Francia), en Xullo de 2008. Foi a Federación Galega pola Cultura Marítima e Fluvial, quen representou a Galicia na festa do mar mais importante de Europa, e quezas do mundo, que cunha moi ampla representación, na que Mariñeiros Bouzas participou amplamente, démonos a coñecer ao mundo.

A cultura galega dispuxo dun escaparate inmellorable para espallar e por en valor o seu rico patrimonio cultural, nun evento de grande prestixio e repercusión. A través de carpas con exposicións de temática diversa, con embarcacións tradicionais galegas, tanto no mar como en terra, taller de cestería, e tampouco podía faltar a música tradicional galega, presente en Brest da man de dous dos seus máximos expoñentes. O grupo de cantareiras “Leilia” e os gaiteiros de “Treixadura” acompañados polo Orfeón, que fixeron as delicias de todos os que puidemos desfrutar da GRAN FESTA.