Culturmar (FGCMF) Organizou unha expedición a Errenteria e Pasaia, onde desprazou seis embarcacións e unha completa exposición, ali andivemos os mariñeiros de Bouzas dende o pasado 22 ao 25. Dentro do festival de Atlantikaldía, alén doutras manifestacións Culturais como as musicais, o festival conta tamén cun espazo dedicado ás embarcacións tradicionais que xestiona a asociación vasca Albaola.

Asemade, Albaola, ao abeiro de dito festival, participou na organización do 9º Congreso da asociación European Maritime Heritage. Culturmar pertence a este importante organismo, asi que ademais de amosar aos nosos compañeiros de Europa a diversidade de embarcacións de pequeno porte que ten Galicia, a expedición tamén promocionou o XIII ENCONTRO DE EMBARCACIÓNS TRADICIONAIS que se vai realizar en Combarro o no 2017.

Finalmente, contactouse tamén coa asociación galega de Trintxerpe Fato Daniel Castelao, poboación que é considerada a quinta provincia galega, moi vinculada á actividades pesqueira que noutrora tivo Pasaia. E aproveitamos para visitar o estaleiro de Albaola onde están a construír unha replica do baleeiro San Juan, afundido na costa Canadense.

[Show as slideshow]

Son moitos os anos que levamos acudindo a Combarro (Poio) a participar na concentración que organizan os compañeiros da Reiboa.

Este ano levamos tres barcos por mar e dous por terra, a singradura de Bouzas a Combarro foi tranquila e pracenteira, as navegacións polos mares de Combarro sen novidade, inda que se suspendeu a “regata da pamplina” por demasiado vento. A pesar diso a flota colleu rizos a saíu a navegar nunha tarde que permitiu moi boas sensacións cos barcos escorados navegando de través.

A volta si que foi mais complicada, xa fora da Ria de Pontevedra con todos rizos collidos houbo que baixar a trinqueta porque o vento e o mar ian en aumento e o saír do abrigo de Ons foi onde percibimos o arume mariño, e sentimos os salseiros que o mar bravo nos metía a bordo dos barcos. Lamentamos non ter fotos desa singradura, que son das que quedan pra recordar.

[Show as slideshow]