Culturmar (FGCMF) Organizou unha expedición a Errenteria e Pasaia, onde desprazou seis embarcacións e unha completa exposición, ali andivemos os mariñeiros de Bouzas dende o pasado 22 ao 25. Dentro do festival de Atlantikaldía, alén doutras manifestacións Culturais como as musicais, o festival conta tamén cun espazo dedicado ás embarcacións tradicionais que xestiona a asociación vasca Albaola.
Asemade, Albaola, ao abeiro de dito festival, participou na organización do 9º Congreso da asociación European Maritime Heritage. Culturmar pertence a este importante organismo, asi que ademais de amosar aos nosos compañeiros de Europa a diversidade de embarcacións de pequeno porte que ten Galicia, a expedición tamén promocionou o XIII ENCONTRO DE EMBARCACIÓNS TRADICIONAIS que se vai realizar en Combarro o no 2017.
Finalmente, contactouse tamén coa asociación galega de Trintxerpe Fato Daniel Castelao, poboación que é considerada a quinta provincia galega, moi vinculada á actividades pesqueira que noutrora tivo Pasaia. E aproveitamos para visitar o estaleiro de Albaola onde están a construír unha replica do baleeiro San Juan, afundido na costa Canadense.
Qué orgullo e qué alegría ver a representación de Bouzas nese festival.
E logo, as embarcacións dalí son moi distintas?
Creo eu que a presencia galega en Trintxerpe non é suficientemente coñecida (polo menos eu non sabía nada) e este comentario fíxome investigar un pouco máis. Que galegos hai por todo o mundo xa o sabiamos, pero o grado de relevancia desta presencia pasa bastante desapercibido.
As fotografías da construcción da réplica do baleeiro son impresionantes!