Arquivo para 2018

A regata do Vao

Miércoles, 15 Agosto 2018, por Corso

Ademais de bos regatistas, tamén son bos cronistas, os dorneiros Hixinio e Alberte, que este ano non puideron ir a Xuntanza de Moaña por coincidir ca regata do Vao, fixeron un moi digno posto na regata como asi no lo comentan nas liñas que temos debaixo.

A Illa de Arousa foi o escenario un ano máis da célebre Regata do Vao, organizada pola ACD Dorna e famosa pola sua espectacular saída coas dornas varadas na praia e sen aparellar. Vinte e unha embarcacións acudiron á cita e puideron desfrutar do mar calma e o vento suave que acompañou toda a proba. Entre as tripulacións que botaron a correr vela en man pola praia abaixo ao toque da bucina, encontrábase a da Madorniña, da Asociación de Mariñeiros de Bouzas. A pesar de ter sucumbido ao caos da complexa saída, perdendo uns minutos valiosos, a nosa dorna conseguiu gañar varias posicións e, finalmente, varar de volta na praia en duodécima posición.

Andando ao mar en Moaña

Lunes, 13 Agosto 2018, por Corso

Coma sempre, navegamos polos mares de Moaña. Mentres que unha dorna acudía a participar na regata do Vao da Arousa, unha flota de seis barcos de Bouzas, navegou ata o Porto do Con, para participar na Xuntanza de Embarcacións Tradicionais, que organizan nosos compañeiros da Asociación Sueste.
Pola maña sin apenas vento, pouco puidemos navegar, pero a tarde refrescou, é o vento portante e continuo permitiunos este ano, que a flota dos tradicionais desfrutaran dunha xornada extraordinaria, pudendo facer unhas navegadas ben bonitas de bolina, de través ou aun largo. Andivemos dende o peirao da Mosqueira ata a enseada do Cocho, ou a Punta do Arroas, ou mesmo a bolinar por entra as bateas pra dar volta preto da Illa Cabrón, ao pe do monte da Guía.

A Xuntanza de Bueu

Miércoles, 1 Agosto 2018, por Corso

O clásico de Bueu, Unha xuntanza a que Bouzas non falla nin con forza cinco na costa da vela, que foi o vento que tivemos a volta, e co mar de través. Esa surada fíxonos bailar un pouco de mais, pero ao final felices de ter participado, e agradecidos a voisima acollida que nos fixeron os compañeiros dos Galos.

A regata dos faros

Martes, 24 Julio 2018, por Corso

Dornas polbeiras de todos os mares galegos, con destacada presenza da Ria de Arousa, déronse cita para medir as habilidades mariñeiras das súas tripulacións. Das vinte e seis embarcacións que zarparon ao toque da bucina, vinte e catro lograron completar o percorrido marcado. Entre elas a Madorniña, da Asociación de Mariñeiros de Bouzas que logrou un digno oitavo posto a pesar de ser gobernada por dous navegantes novatos. A escola de navegación tradicional de Bouzas semella que vai dando os seus froitos e a Madorniña promete dar guerra en próximas citas dorneiras.

A regata decorreu nun ambiente festivo e fraternal, con condicións meteorolóxicas óptimas para poñer a proba as habilidades dos participantes. Un vento moderado con refachos ocasionais e a mar de vento comezando a formarse acompañaron todo o traxecto. As polbeiras, con todo o trapo izado, tiveron que sortear bateas, bolinar ao límite para remontar varias millas a barlovento e escorregar polas ondas co vento en popa cerrada.

O Carme en Bouzas

Sábado, 21 Julio 2018, por Corso

A procesión do Carme que se celebra en Bouzas cada luns das festas, este ano coincidiu co dia 16 de Xullo data na que se leva a cabo a procesión na maioría das localidades galegas. Pois os barcos tradicionais de Bouzas, coma sempre, tamén estiveron na cita.