Xornada para a historia de CULTURMAR

O 06 de outubro do 2018 xa é unha xornada para a historia de CULTURMAR. Movemento asociativo é de reivindicación da conservación do Patrimonio Marítimo Galego. A celebración dos 25 anos da FGCMF, foron unhas xornadas pra recordar.

O conseguir que no corazón de Galicia, a praza do Obradoiro, durante unha semana os barcos de traballo dos galegos, os barcos  cos que moitisimas familias se gañaron a vida, que eses barcos estivesen cas velas despregadas, ocupando unha superficie de 800 metros cadrados, esas embarcacións con todas as proas enfiladas ao mestre Mateo, mestre dos canteiros, para que dende seu lugar de honor poida ollar as obras mestras, dos mestres carpinteiros de ribeira galegos, foi unha homenaxe que dificilmente se poderá repetir.

25 ANOS NA SALVAGARDA, 25 anos da celebración do primeiro Encontro de Embarcacións Tradicionais de Galicia, da construción da lancha xeiteira Marina, esta efeméride na capital de Galicia onde carochos, gamelas, botes polbeiros, botes de Carril, botes de Ribadeo, botes de media construción, dornas polbeiras, dornas naseiras, dornas cordeeiras, dornas xeiteiras, bucetas, racús e outras tipoloxías do rico patrimonio galego. Pois se cabe esa mariña en seco, esa exposición, poida que, se acade un maior compromiso na salvagarda do patrimonio, porque o patrimonio e de todos, e a todos compete a súa salvagarda.

 

 


Deixa un comentario