Arquivo para 2019

Concurso de pesca infantil

Sábado, 18 Mayo 2019, por Corso

Concurso de pesca infantil 2019. A idade dende os 6 aos 12 anos, a modalidade será pesca de corcheo sen morte. Os participantes deberan vir acompañados dun adulto responsable dos mesmos.  A zona de pesca vai ser no PANTALAN DE EMBARCACIÓNS TRADICIONAIS. O cebo o proporciona a organización, para apuntarse podedes chamar por tf 986 24 70 62 entre as 09.45 e as 13,15 de luns a xoves a outras horas non e seguro que vos poidan atender, ou mellor pasar pola asociación a recoller as bases e xa vos apuntades. As inscricións tamén poderán ser, se hai prazas no mesmo día.

A FINALIDADE DESTA ACTIVIDADE, MAIS QUE PARA O PROPIO CONCURSO, ESTA ORIENTADA A ENSINAR OS NENOS O RESPECTO AO MEDIO AMBIENTE MARIÑO E A A VIDA ANIMAL, DEIXANDO EN SEGUNDO PLANO O NUMERO DE CAPTURAS QUE SE POIDAN CONSEGUIR, FOMENTANDO A PESCA RESPONSABLE.

O mantemento dos barcos

Sábado, 11 Mayo 2019, por Corso

Seguimos a traballar na reparación e mantemento dos barcos que segue seu camiño, mentres algúns xa levan un tempo listos e xa comenzaron a navegar outros inda pendentes dos remates finais e as dornas polbeiras inda pendentes de carenar. O bo tempo sempre anima a acelerar os traballos para empezar cas clásicas navegacións dos mércores que serven de adestramento para as travesías mais longas, como a que imos facer ata a Guarda xunto cos demais barcos que veñen de mais ao norte.

Os Mariñeiros de Bouzas na Reconquista de Vigo

Miércoles, 3 Abril 2019, por Corso

Mariñeiros de Bouzas, participou cos barcos tradicionais na conmemoración da Reconquista de Vigo. O feito histórico acaecido o 28 de marzo de 1809 en Vigo onde os invasores franceses foron expulsados pola milicia formada por campesiños e mariñeiros, principais protagonistas que con escasas armas pero con moito coraxe, conseguiron votar fora aos inimigos, este ano contou con nosa colaboración, axudando a fuxir nos nosos barcos aos franceses.

 

Visita ao volanteiro

Domingo, 10 Febrero 2019, por Corso

Facia tempo que na familia de CULTURMAR non tiñamos unha tan boa nova. A construción dun barco tradicional, sempre e, un moi grato acontecemento, pero si ademais se trata dunha tipoloxía da cal non hai ningunha replica, pois en hora boa a todo o colectivo por este acontecemento, e especialmente a Piueiro, a asociación que puxo en marcha o nacemento dun novo barco para incorporar a flota dos tradicionais.
Como podedes ver nas fotos e un barco dun porte importante, cunha eslora de 12 metros, e que ademais están traballando arreo porque queren que navegue no próximo encontro, pois nos alegraremos moito si conseguen chegar a esa meta.

Asemblea de Fedepemar

Jueves, 31 Enero 2019, por Corso

Asemblea xeral de FEDEPEMAR.  (Federación Galega de Pesca Responsable  Recreativa)  A que toca cada ano, ademais dos asuntos de sempre, compre destacar, o Informe do Simposio de pesca e por suposto o asunto da “Tasa de Actividades” que se quitaron da manga as administracións, xa levamos tempo intentando explicarlle a Autoridade Portuaria, que non procede baixo ningún concepto que nos teñamos que pagar unha taxa de actividades industriais si non temos ningunha actividade industrial. Non queda outra que acudir aos tribunais.