Arquivo para 2022

A roupa de andar ao mar

Miércoles, 6 Abril 2022, por Corso

Excelente traballo de investigación sobre as roupas coas que noutrora andaban ao mar nosos mariñeiros. O traballo, desenvolvido por Eva Perez e Alberte Mozo, ambos navegantes nos barcos tradicionais da nosa asociación, conta co apoio de CULTURMAR.

A idea que xa ten bastante tempo, acentuouse ca incorporación ao mundo dos barcos tradicionais de Eva e Alberte, sobre de todo cando o pasado ano ao igual que nos anteriores, participamos na conmemoración da Batalla de Rande que se celebra entorno ao museo Meirande, onde os participantes van con roupas de época, mentres que as tripulacións dos barcos imos mais ou menos.

A traiñeira “VIGO CINCO” reparada

Sábado, 26 Marzo 2022, por Corso

Dende aquí queremos agradecer a DEPUTACIÓN DE PONTEVEDRA, seu interese na salvagarda do Patrimonio Marítimo, especialmente no apartado das embarcacións tradicionais galegas, que con tanto esforzo as asociacións que englobamos CULTURMAR estamos a coidar é mantelas en activo para súa posta en valor.

Moi importante foi a reparación que levamos a cabo na traiñeira “VIGO CINCO” réplica fiel das traiñeiras de pesca que empregáronse no primeiro terzo do século xx en Galicia. A traiñeira “VIGO CINCO” figura nas diferentes guías sobre as embarcacións tradicionais de Galicia como unha embarcación singular.

A singularidade e interese desta embarcación como elemento do patrimonio marítimo radica en que:    

É a única embarcación desta tipoloxía que hai en Galicia. Polo que é representativa dunha época na que grazas a esta tipoloxía de embarcación, Vigo chegou ser o primeiro porto mundial en descarga de sardiña, favorecendo a aparición de diversas industrias relacionadas coa pesca.

A rehabilitación realizouse sen alterar os elementos orixinais, susbtituironse, tapas regalas, bancos, fogonadura do mastro de proa, táboas da cuberta de proa, gateiras, cintas de babor e estribor, decapado do casco, recravado, por ultimo aplicaronse fungicidas, lasures, imprimacións e patentes quedando lista para iniciar novas singraduras. 

Esta importante reparación foi posible grazas a unha subvención que nos concedeu a Deputación de Pontevedra.