Arquivo para Junio 2022

Curso de iniciación nas embarcacións tradicionais

Lunes, 27 Junio 2022, por Corso

Como parte das actividades de dinamización das embarcacións tradicionais (en adiante EETT), que Mariñeiros de Bouzas ven desenvolvendo dende hai anos a través da súa Escola de Navegación Tradicional , xa está en marcha o 1º curso de iniciación á navegación nas EETT. Este curso consta de 8 sesións a desenvolver durante os martes dos meses de xuño e xullo.

Ao remate deste curso esperamos que os participantes teñan as nocións básicas para poder manexar unha embarcación tradicional a remo e vela, tanto de patrón como de tripulante.

O curso é gratuíto e está limitado a 12 prazas, que xa foron cubertas por colaboradores da Escola de Navegación.