Arquivo para Octubre 2022

O XVI ENCONTRO VAI SER EN SADA

Sábado, 22 Octubre 2022, por Corso

Informamos que, na asemblea xeral extraordinaria do pasado sábado 15 de outubro, foi aprobado por unanimidade o proxecto presentado pola Asociación Mariñeira os Patexeiros para organizar o XVI Encontro de Embarcacións Tradicionais de Galicia, que se celebrará na localidade de Sada do 3 ao 6 de agosto de 2023.

Os colectivos federados en Culturmar, reunidos en asemblea o sábado 15 de outubro, decidiron por unanimidade ratificar o proxecto presentado pola Asociación Cultural Mariñeira Os Patexeiros para celebrar a decimosexta edición do Encontro de Embarcacións Tradicionais de Galicia no porto de Sada entre os días 3 e 6 de agosto de 2023.

A proposta ven acompañada do apoio unánime da Corporación Municipal sadense e de diversas entidades da vila relacionadas co mar. Na presentación do proxecto Os Patexeiros destacaron as inmellorabeis características da Ria de Sada para a navegación, así como a ligazón histórica da vila coa cultura mariñeira, cuxo máximo exponente foi a frota patexeira que en tempos pasados abonou con este crustáceo os campos de toda a comarca.

Pola súa parte, a Xunta Directiva de Culturmar agradeceu ao colectivo a predisposición a asumir a organización do evento, que volta ás Rías Altas despois de 16 anos; desde que en 2007 a novena edición se celebrara en Ferrol.

 

Desembarco pirata en Cangas

Sábado, 15 Octubre 2022, por Corso

Os barcos da asociación, xunto con un barco de Sueste, volven a participar na recreación histórica do asalto a Vila de Cangas polas hordas de piratas turcos e berberiscos, no ano 1.617
O pasado domingo 9 pola tarde, os habitantes da Vila divisan os barcos entrando na baia, polo que empezan a organizar a defensa do pobo, as 18,30 os pitas atracan ao peirao de Ojea e desembarcan para facer todo tipo de atropelias roubar, matar e apoderarse da Vila.

A Madorniña na regata do marisco

Miércoles, 12 Octubre 2022, por Corso

O pasado sábado a dorna de mariñeiros  Bouzas “A MADORNIÑA” acudiu, xunto con vinteseis dornas máis, a cita organizada polos Amigos da dorna Meca para pechar a tempada de regatas.

Hai xa catro anos que as dornas non varaban na praia de Confín para comezar a proba, fronte a escultura da Maruxa.

Logo de chegar a primeira boia entre os últimos, a Madorniña foi gañando posicións para recibir o toque de bucina no duodécimo lugar. Desta vez gañou Abuelo Tucho, segunda Fuxe e terceira a Jalerna.

A universidade navega nos barcos de Bouzas

Sábado, 8 Octubre 2022, por Corso

Con motivo da celebración na cidade Olivica, dunha reunión internacional para o lanzamento do proxecto HEI4Future. Onde nestas reunión promovense programas de mentorización innovadoras liñas de apoio a start-ups, nestes temas estan a traballar os socios do  HEI4Futur, un proxecto europeo de innovación tecnolóxica organizado pola  Universidade de Vigo.

Coma peche final das dúas intensas xornadas de traballo, os socios do proxecto fixeron unha actividade de carácter lúdico co obxectivo de fomentar o espíritu de equipo. Para elo contaron coa colaboración da Asociación de Mariñeiros Artesanais e Deportivos San Miguel de Bouzas, gracias a cal puideron realizar unha singladura a través da Ría de Vigo con distintas embarcacións tradicionais, dando a coñecer aos participantes nosa Ria e nosos barcos.

Quedounos atras a Regata Miami Praia

Domingo, 2 Octubre 2022, por Corso

A dorna de Bouzas desprazouse o sábado 17 de setembro, ata San Vicente do mar, para asistir a regata organizada polo Camping Miami Praia e os Amigos da dorna Meca. 

Con un vento frouxo de noroeste deu comezo a proba con 22 dornas no mar. O primeiro posto foi para a Jalerna seguida da Nécora e Ortelinda, a Madorniña cruzou a meta en octava posición.  Como de costume, o Miami convidou as tripulacións con abundantes viandas, festa e durmida para os que decidisen pasar a noite no camping.