XXVII ENCONTRO EMBARCACIONS DE COMBARRO.

O pasado fin de semana asistimos o XXVII encontro de embarcacións tradicionais de Combarro no que ademais do encontro tamén se daba cita a 5ª proba da copa Mörling. A nosa Asociación fixo gala do noso galeón ” Coruxo ” a Dorna  ” A Falucheira ” e a ” madorniña”. Foi un encontro extraordinario no que todo saiu de maravilla e nun ambiente nos que todos puidemos disfrutar do mar e do bo compañerismo que se da nestes encontros. Dende aquí queremos dar a nosa noraboa a ” Asociación  A Reiboa ” pola excelente organización e o bo ambiente que reinou nos tres días que durou o encontro. Xa estamos agardando a que o ano que vén se volva a celebrar para poder participar e disfrutar deste magnífico evento. Moitas gracias por todos.

 

 

XVI ENCONTRO DE EMBARCACIÓNS TRADICIONAIS DE GALICIA

Máis dun cento de embarcacións de Galicia, así como de outras zonas xeográficas, nos citamos nesta festa cultural que se fai cada dous anos mostrando toda a riqueza do noso patrimonio marítimo e fluvial. Este encontro foi unha gran oportunidade de contemplar nun só porto a numerosa representación de tipoloxías de embarcacións tradicionais galegas e de outros territorios peninsulares e europeos. Foron catro xornadas de navegación e confraternidade entre centos de compañeiros que disfrutamos de bo tempo e excelentes travesías, tamén se impartiron seminarios e conferencias. Tiveron oportunidade de navegar compañeiros discapacitados a bordo do balandro ”  Joaquin Vieta “. Admiramos o porte da Goleta ” Atyla ” que coa sua maxestuosidade acompañounos os catro días do encontro.

A nosa asociación participou coa traiñeira ” VIGO CINCO ” na que unha ducia de membros tuvemos a oportunidad de navegar por toda a preciosa ría na localidade de Sada.