Actividades 2010

Febreiro, Marzo, Abril e Maio:

  • Preparación e carenado das embarcacións tradicionais da asociación.
  • 7 Abril. Proxección do vídeo sobre o IX Encontro de Embarcacións Tradicionais de Galicia, desenvolvido en Muros do 8 ao 12 de Xullo de 2009. Ao finalizar abrirase un debate e mesa redonda
  • A partir de Maio continuarase coa preparacion de novas tripulacións ( incluido patróns) interesadas en aprender o manexo e a navegación nas nosas embarcacións tradicionais.
  • Todos os mércores que o tempo o permita, dende Maio ata finais de outubro poñemos en marcha as clásicas navegacións nos nosos barcos tradicionais. A asistencia é pública e gratuíta
  • 1 de Maio. Excursión a Fisterra. Dende o pobo iremos camiñando pola ruta dos Druídas ata o Cabo do “Fin do Mundo” ( Finisterre).
  • 15 de Maio as 9:30H. Día do medio ambiente mariño. Este é un día que tentaremos instaurar na asociación coincidindo coa mellor marea do mes de maio. Tratase de limpar a praia e seu entorno (cabos, plástico, anacos de chalanas e madeiras, posicionar un pouco as pedras soltas, …)
  • 17 de Maio. Día das Letras Galegas. I Ruta dos Poetas e Cantares Tradicionais na Ria de Vigo ata o entorno de San Simón e alí no mar ou no peirao de San Adrián recitar unhas poesías e cantos populares.

Xuño e Xullo:

  • 11 de Xuño. Saída e navegación cos colectivos de centros de inclusión social (Alborada, Erguete, …)
  • Xullo. Asistencia e participación nos Encontros de Embarcacións Tradicionais que se organicen ao longo da xeografía galega.
  • 17 de Xullo. Regata do VI Campionato do Mundo de Faluchos na praia de Bouzas.
  • 19 de Xullo. Participación na procesión marítima da Virxe do Carme e ofrenda floral a todos nosos amigos e socios falecidos.
  • 24 e 25 de Xullo. Participación en Monforte de Lemos, na V Festa do Río Cave.

Agosto e Setembro:

  • 7 e 8 de Agosto. Participación nos  VII Encontro de Embarcacións Tradicionais de Moaña.
  • 21 e 22 de Agosto. Participación nos XII Encontro de Embarcacións Tradicionais de Bueu.
  • 27, 28 y 29 de Agosto. Participación nos Encontros de Embarcacións Tradicionais da Festa do Mar de Combarro.
  • 18 de Setembro. XII Concurso de Pesca dende Embarcación. Modalidade libre. Despois da pesada das capturas se levará a cabo a entrega de premios ás diferentes modalidades e seguidamente “Rancho Mariñeiro” (Fritura e caldeirada). Animamos a todos os socios a participar na gran Festa da Pesca Deportiva.

Novembro e decembro:

  • 20 de Novembro. XII Encontro de Corais da Canción Mariñeira.
  • Recollida e invernaxe das embarcacions tradicionais.
  • Como é tradición preto do Nadal reunirémonos socios e amigos para degustar un viño e desexarnos boas festas.

Aviso: O programa de actividades está suxeito a posibles cambios. Recomendamos subscribirse ao blogue para estar ao día.