Arquivo para a categoría ‘Encontros’

Navegamos nos Mares da Póvoa de Varzim

Jueves, 8 Septiembre 2011, por Corso

 

 

Estivemos navegando polos mares da Póvoa, con dúas embarcacións de Bouzas, encantados de participar nos 20 anos do proxecto de recuperación da Lancha Póveira do Alto, un encontro que contaba cun amplo programa que incluíu regatas, conferencias,  a inauguración dunha exposición,  e unha sesión de poesías dedicada a Manuel Lopes, un dos grandes responsables da consecución deste proxecto.

Noso amigo Manuel, o antigo director da Biblioteca Municipal Roxa Peixoto, principal impulsor da lancha, foi recordado dunha forma moi especial o  sábado pola noite  na sesión do Memorial Manuel Lopes, onde quedamos abraiados pola forza do homenaxe e sorprendidos pola actuación do tripulante da lancha José Peixoto na guitarra, o periodista que nos dedicou varias crónicas a asociación de Bouzas.

Nós non podiamos faltar a este homenaxe, xa que Manuel Lopes ademais de ser moi querido en toda Galiza, os de Bouzas o recordamos con moito agarimo, xa que foi precisamente na II XUNTANZA DE EMBARCACIÓNS TRADICIONAIS DE BOUZAS, celebrada no 2006, o ultimo viaxe por mar de Manuel, quen navegou dende a Póvoa ata Bouzas na Lancha, e  á volta por terra, por motivo das súas doenzas.

A Federación Galega participou activamente no homenaxe, como podedes ver na súa paxina. Deixámosvos debaixo o ultimo parrafo da intervención de Dionisio Pereira no homenaxe a Manuel Lopes:

“Por iso, Manuel e Octávio forman parte da nosa historia e nos acompañan en cada paso que damos. E tamén por iso, na medida en que actuemos e sexamos consecuentes coa nosa raigame e cos nosos sinais de identidade máis queridos e máis distintivos, Manuel Lopes e Octávio Lixa Filgueiras permanecerán vivos connosco.

“In memoriam”. Na súa memoria.”

 


Tamén navegamos nos ríos

Martes, 2 Agosto 2011, por Corso

 

 

Ainda que a páxina mostrase pouca actividade, o certo e que se fai moito mais do que se ve. O pasado fin de semana, dous barcos de Bouzas foron participar nas navegacións do Rio Cabe en Monforte, e outra embarcación formou parte da III Festa das Tradicións Mariñeiras da Guarda. Nótase que gusta máis navegar nos barcos que quitar fotos, porque non temos ningunha imaxe deses eventos, polo que aproveitamos para poñer unhas fotos do pasado encontro, que o lóxico sería dedicarlle moitas máis entradas.

X Encontro – Carril 2011

Sábado, 9 Julio 2011, por Corso

 

O X ENCONTRO celebrado os pasados días en Carril, a pesares das moitas dificultades que se atoparon no camiño, non deixou de ser coma sempre  merecedor dos eloxios tanto dos que participaron nel coma das persoas que pasaron por Carril a desfrutar do ver navegar a tantos barcos xuntos. Entre as diversas actividades atopábanse visitas guiadas, ademais de poder contemplar e tocar tanta tipoloxía distinta, e desa maneira dar a coñecer o rico e variado Patrimonio Marítimo. Na primeira foto podedes ver un barco de Bouzas, outro de Coruxo e un de Cataluña, e no enlace seguinte tedes un vídeo cunha moi pequena mostra do que foi o Encontro, cortesía do noso amigo Jordi Salvador.
http://youtu.be/tNI8-OcwWkw

III Xuntanza de Embarcacións Tradicionais de Bouzas

Miércoles, 20 Agosto 2008, por Corso

Os 5, 6 e 7 de Setembro celebraremos a III Xuntanza de Embarcacións Tradicionais no Paseo Marítimo de Bouzas.

Vexa máis información no programa do evento.

Crónica da II Xuntanza

Lunes, 10 Julio 2006, por admin

Fai uns días celebramos a nosa II Xuntanza de Embarcacións Tradicionais Vila de Bouzas.

Con moito traballo, pero con moita animación, conseguimos que fora un éxito do cal estamos moi orgullosos. Recibimos as felicitacións das autoridades que asistiron ós actos de inauguración, botadura da gamela coruxeira e a entrega de diplomas.

Estamos moi satisfeitos tamén de recibires os parabéns das tripulacións participantes, as cales lles agradecemos dende eiquí que participaran con nos nestas singladuras que entendemos que son en prol de defender e impulsar as diversas facetas da Cultura Marítima, nave na cal nos tamén estamos embarcados intentando aportar o noso grao de area.

Esta selección de fotos é para animar a tódolos socios e a tódalas persoas amantes do mar e das Tradicións Mariñeiras a que participen xunto con nos nestos eventos que con bos ventos chegaran a mellor porto.