XIV Concurso de pesca infantil

Noso, XIV Concurso de Pesca Infantil, que coma sempre busca concienciar os mais xoves, co san obxectivo, de que no futuro, sexan os que nos releven na defensa da Pesca Responsable, recurso que dende hai moitisimos anos e o posto de traballo de milleiros de Galegos, e que non sabemos cas novas normativas, si no futuro vai seguir sendo rendible.
Pero moito máis haberá que facer para que nosas administracións lle digan os do carbón que desde un despacho de Bruselas non se pode lexislar sin pisar antes os areais, onde dende sempre, os Galegos recorremos cando foi necesario para alimentarnos.


Sen comentarios

Os traballos nos barcos

Xa comentaramos que este ano empezamos as clases por manobras de mantemento dos barcos, primeiro arranchamento dos barcos e despois as navegacións. Asi que os traballos de carenado estan moi avanzados. Este ano tocoulle a buceta un mantemento completo, os demais barcos, fregado rasqueteado, lixado, algunha pequena reparación, chapapotes, lasures e pinturas. Nas fotos unha pequena mostra dos chollos feitos. Vémonos o mércores para falar da próxima campaña de navegación.


Sen comentarios

Visita de futuros navegantes

Atendemos a visita dos alumnos de 1º de Bacharelato do IES de Mos. Unha das súas profesoras veciña de Bouzas, estaba interesada en que seus alumnos coñeceran os barcos de traballo dos galegos, é nos votámoslle unha man.


Sen comentarios

Imos dar avante

O próximo mércores, arrincamos ca actividade de iniciación á navegación e conservación das embarcacións tradicionais. Os que navegáchedes con nós en anos anteriores, xa nos oíchedes comentar que o obxectivo das navegacións era poñer en valor os barcos que antes se utilizaban para faenar. Agora a estes barcos, nós lle damos outros usos co fin de conservalos porque forman parte de noso Patrimonio Marítimo.

Para falar destes asuntos e organizarnos, CONVOCÁMOSVOS para o mércores 22 de febreiro ás 19 horas na nova chabola.

Pensando que algúns non poidan chegar ata mais tarde, das 19 ás 20 horas imos ver o vídeo do último Encontro, que foi en Cabo de Cruz (Boiro), despois falaremos do que imos facer este ano. Si coñecedes algunha persoa que queira participar no mantemento e conservación das embarcacións tradicionais, así como aprender a navegar nelas, podedes invitala a esa reunión.


Sen comentarios

Novo decreto para pesca recreativa

Na asemblea de FEDPEMAR que este ano celebrouse o pasado día 22 de xaneiro, en Ribadeo,  ademais dos asuntos habituais, tivo especial relevancia o novo decreto para a pesca recreativa.

No informe de xestión, destacouse o obradoiro  “I Taller sobre Pesca Recreativa no litoral Atalántico Ibérico”  que tivo lugar en Vigo durante os días 11 e 12 de novembro de 2016.

Coas conclusións dese traballo vaise elaborar un libro que se lle fará chegar a todas asociacións. A Xunta Directiva de FEDPEMAR trasladou os puntos principais de dito estudo a Conselleira do Mar, que en principio os recibiu de forma positiva. Podedes ler as conclusións do obradoiro neste PDF.

Haberá que estar atentos ós resultados do “Consello Galego da Pesca” que se vai celebrar en menos de un mes, onde se vai aprobar o decreto, no que se regulara a pesca recreativa en augas de Galicia, a norma abordará aspectos de seguridade, de control de artes, de limites, ou distancias que deben gardarse con respecto a outras actividades.

pemar1

 

 

 


Sen comentarios