Asociación de Mariñeiros Artesanais e Deportivos San Miguel de Bouzas » botadura

Outras botaduras

Corso — Wed, 02 Feb 2011 12:46:06 +0000

Con motivo da botadura de Barreras xenerouse en Mariñeiros Bouzas unha liña de discusión entorno o método das botadura que comentamos. Nos estaleiros de Vigo empleanse fundamentalmente dous tipos de botaduras, a botadura controlada (sistema que utiliza Freire por exemplo) na cal os barcos apoianse sobre carros de aceiro dotados de rodas de gran resistencia. Estes carros van unidos entre si con fortes tirantes formando un tren, e desta maneira o barco situado por riba dos carros deslízase por uns raís de aceiro similares os das vías do tren mediante cables de aceiro controlados por unha gran maquinilla, que pode largar ou subir o barco de maneira totalmente controlada.

O sistema que utiliza Barreras botadura lanzada e completamente distinto. Neste caso o barco deslízase ata o mar a través dunhas anguías. Sobre rampas de cemento armado teñen montadas pezas de madeira de gran resistencia ancladas no cemento, as cales, previamente á botadura, imprégnanse dunha graxa especial cunha gran resistencia á temperatura. Enrriba destas pezas móntanse outras madeiras onde se apoiará a embarcación, que unha vez se corte a suxeción da mesma fai que se deslice cara o mar. O unico control de freo que evita que os barcos alcancen excesiva velocidade, consiste en grandes cadeas amarradas ó barco que co seu peso e arrastre calculado permiten un control.

En canto ó moi comentado sistema de apoio do barco nas anguías, é excepcional, xa que se trata duns soportes calculados cunhas grandes caixas de aceiro herméticas que conteñen area completamente seca. Estes soportes progresivamente vanse sustituindo polos soportes de armamento quedando o barco totalmente apoiado nas caixa de area, as cales levan unha pequena porta que ó abrila vai soltado a area. Isto fai que o barco comece a baixar en altura ata quedar totalmente apoiado nas anguías e sobre estas chega o mar.

No mundo aí outros sistemas, si vedes o vídeo podes ver outro sistema ben curioso.

Botadura en Vigo

Corso — Tue, 25 Jan 2011 10:13:21 +0000

Sen ningún problema, como cabía esperar, Barreras procedeu á botadura do “Volcán de Tinamar”, un ferry de 175 metros de eslora. Este buque é o máis grande dos construídos integramente en Vigo, xa que o seu irmán xemelo, ainda que armado en Vigo, o seu casco foi feito en Portugal por ter Barreras as gradas completamente ocupadas.

A pesar da longa experiencia do estaleiro nestas manobras, sempre levan aparelladas certos riscos polo que os responsables, cando miran flotar o barco respiran con tranquilidade. Á primeira hora da tarde xa había xente esperando para entrar no asteleiro xa que nos últimos tempos permítese a entrada ás botaduras dos barcos.

Máis información sobre esta botadura do “Volcán de Tinamar” nos medios.

[Show as slideshow]

Imaxes da botadura da falucheira

Corso — Mon, 30 Aug 2010 09:31:38 +0000

Cun pouco de atraso porque este verán non damos feito ao bulir as actividades pór todos os portos de Galicia é importante que a botadura dun novo barco na frota dos tradicionais non pase desapercibida.

Velaí vai unha mostra do bautizo de mar da nova dorna da asociación, que nestas alturas xa podemos dicir que navega moi ben e con elegancia ademais de ser moi rápida. Inda quedan axustes pór facer pero xa podemos dicir que seguramente será o barco mais rápido da frota dos Mariñeiros de Bouzas.

[Show as slideshow]

Botadura Gamela “A Marosa”

admin — Sat, 01 Jul 2006 16:25:07 +0000

Hoxe, dentro dos actos da II Xuntanza fixemos a botadura da gamela coruxeira “A Marosa”.

Deixámosvos algunhas fotos para os que non puidérades estar alí.

[Show as slideshow]

Fotos da botadura

admin — Fri, 20 May 2005 10:48:17 +0000

Poden ver fotos da botadura neste album.