Ca regata do marisco no Grove, pechase a tempada de regatas, nunha tarde na que a previsión de vento era case nula, pero que finalmente houbo abondo para poder desfrutar da competición. Nesta ocasión a Madorniña levou una tripulación mixta, con Carmen de proel, xa que Alberte non puido asistir.
[ngg_images source=”galleries” container_ids=”320″ display_type=”photocrati-nextgen_basic_imagebrowser” ajax_pagination=”0″ order_by=”sortorder” order_direction=”ASC” returns=”included” maximum_entity_count=”500″]
A saída dende o pantalán e co vento de popa pechada, fixo que as dornas saíran de vagar e moi xuntas ata a primeira boia, na que os abordaxes foron continuos e incluso a Roxiña partiu un remo contra a Madorniña.
[ngg_images source=”galleries” container_ids=”321″ display_type=”photocrati-nextgen_basic_imagebrowser” ajax_pagination=”0″ order_by=”sortorder” order_direction=”ASC” returns=”included” maximum_entity_count=”500″]
A partires de hai, e co vento de través, as dornas comezaron a posicionarse e xa se marcaron as diferenzas entre o grupo de cabeza e as demais, entre elas a Madorniña, que logo de botar una semana na chabola de Bouzas, metía auga coma una cesta, polo que foi preciso achicar varias veces o longo do percorrido.
[ngg_images source=”galleries” container_ids=”322″ display_type=”photocrati-nextgen_basic_imagebrowser” ajax_pagination=”0″ order_by=”sortorder” order_direction=”ASC” returns=”included” maximum_entity_count=”500″]
O paso pola segunda boia, colocada entre bateas, foi menos accidentado pero con algún rifirrafe a causa das preferencias. Para alcanzar a terceira boia era preciso facer dous bordos, nos que xa quedou definido o podio, a falta da segunda volta. A Madorniña rematou no posto 13 de 17 dornas. A gañadora foi a Jalerna, seguida da Fuxe en terceira posición quedou a Xarandeira.
[ngg_images source=”galleries” container_ids=”323″ display_type=”photocrati-nextgen_basic_imagebrowser” ajax_pagination=”0″ order_by=”sortorder” order_direction=”ASC” returns=”included” maximum_entity_count=”500″]