Organizada polos “Amigos da Dorna Meca” o sábado 16 de outubro celebrouse a ultima regata da tempada. A xornada estivo marcada pola chuvia e a falta de vento, feito que non impediu que quince dornas se presentasen ao evento, entre elas, a Madorniña de Bouzas.
A regata que parte da praia de Porto Meloxo, ten a particularidade de dar a saída cas dornas varadas na praia, coa vela abaixo, o leme na cuberta e o patrón na area. Este ano a organización permitiu vogar ata saír da enseada de Meloxo, onde logo de esquivar as embarcacións fondeadas, as dornas puideron izar as velas rumbo ao faro das pedras, a primeira marca. Logo de rebordar o faro e dirixirnos a segunda baliza, situada nunha batea fronte a praia Mexilloeira, o vento que tiñamos na popa apenas movía os barcos, polo que a organización decidiu acurtar o percorrido e rematamos tras o paso pola terceira baliza.
A Jalerna, seguida da Chunga e a Maraxe, foron as tres primeiras, quedando a Madorniña oitava. Finalmente e como sempre, os amigos da dorna Meca nos agasallaron con uns pinchos e un recordo da xornada.
[ngg_images source=”galleries” container_ids=”349″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”100″ thumbnail_height=”75″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show as slideshow]” order_by=”sortorder” order_direction=”ASC” returns=”included” maximum_entity_count=”500″]