XIII Regata do Sepelo. O pasado sábado 24 de setembro celebrouse en augas de Portonovo a décimo terceira edición da Regata do Sepelo, que nesta ocasión ademáis constituiu a última proba da Copa Mörling de dornas a vela.
Acorde coa previsión meteorolóxica, a organización decretou a obrigatoriedade de coser un ris, o cal non evitou que a proba se convertise nunha épica batalla contra o potente nordés que dominou o campo de regata con fortes refachos e constantes roladas. Como dato ilustrativo, das 17 dornas presentadas só 7 conseguiron finalizar o traxecto. O resto retiráronse despois de envorcar, romper o aparello ou simplemente como medida preventiva.
Finalmente Fuxe, Pereka e Jalerna, por esa orde cruzaron a liña de meta conformando o podio da regata. A Madorniña de Mariñeiros Bouzas conseguiu tamén finalizar a regata, chegando en sétima posición despois de sufrir diversos percances.
O acto de clausura incluiu tamén a proclamación dos tres primeiros clasificados da Copa Mörling: Pereka, Xarandeira e Fuxe. Ademáis contou coa emotiva participación da familia de Staffan Mörling, que agradeceu a homenaxe ao seu legado que supón a organización desta competición.
[ngg_images source=”galleries” container_ids=”369″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”100″ thumbnail_height=”75″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show as slideshow]” order_by=”sortorder” order_direction=”ASC” returns=”included” maximum_entity_count=”500″]