Triángulo do Cantiño, Homenaxe a Parada. A terceira regata da Copa Mörling de dornas a vela serviu como homenaxe ao que foi un dos patróns fundadores da Escola de Navegación Tradicional Dorna da Arousa, Parada.
O evento congregou na Illa de Arousa nada menos que 37 dornas e outras embarcacións tradicionais acompañantes, unha cifra realmente impresionante. Antes de comezar a competición, as tripulacións izaron as súas velas en lembranza do senlleiro patrón recentemente finado. Inmediatamente despois a frota partiu do porto do Xufre para internarse entre bateas en dirección ás Sinas e logo voltar completando o triángulo.
A dorna Madorniña da nosa asociación participou na proba, finalizando en décimo sexta posición. Mentres catro barcos da nosa flota estaban navegando na Xuntanza de Moaña.
[ngg_images source=”galleries” container_ids=”363″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”100″ thumbnail_height=”75″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show as slideshow]” order_by=”sortorder” order_direction=”ASC” returns=”included” maximum_entity_count=”500″]