A navegación cos investigadores

Que Vigo sexa sede dunha reunión internacional relacionada coa investigación mariña non é novidade. Que esta reunión fora de expertos en hidroacústica vidos de todos os confíns do mundo podería, xa que logo, ser un fito relevante: nunca tal se vira por estes lares. Porén, cunha representación deles conformada por membros de Canadá, Australia, Nova Zelandia, Reino Unido, Estados Unidos, Italia ou República Checa fixera unha visita ás Cíes en embarcacións tradicionais, isto si que resulta unha novidade.

Tal cousa aconteceu o pasado 23 de abril, onde os investigadores estranxeiros vinculados ao Consello Internacional para a Exploración do mar, un organismo, con sede en Copenhague, Dinamarca. O organizador da reunión, é membro de CULTURMAR, Pablo Carrera, puxese en contacto con nosa asociación para organizar unha xornada de navegación a Cíes que non poderán esquecer.

As nove da maña partimos do peirao de Bouzas unha escolma de fasquías e velas tradicionais. Inda que o día non axudou ao principio. A falta de vento xunto cun pequeno orballo, sementaron algunha dúbida, por sorte, rumbo á Borneira, a chuvia cesou, a navegación cerca da costa norte da Ria e mais ao W o dar volta a Cabo Home, foi motivo de admiración pra os investigadores.

Despois de recalar na praia de Rodas, subir ao Faro, nese santuario das aves mariñas, recuperamos forzas cas marabillas da conserva de Galicia, pero o mellor estaba por vir. O vento do oeste estivo pronto para a navegación proa a Bouzas, que sen apenas variar rumbo, tróuxonos ata o peirao cunha boa velocidade. Non había mellor xeito de rematar a xornada. Que mais se pode pedir?

 


Unha resposta a “A navegación cos investigadores”

  1. Carlos Cordero dice:

    Un día de navegación y visita a Cies extraordinario. Los científicos de varias partes del mundo quedaron encantados con nuestra maravillosa Ria y con la incomparable belleza de las Islas Cies, cosa que a los tripulantes que los acompañamos nos llenó de satisfacción.

Deixa un comentario