Dando continuidade ó programa de actividades, o vindeiro sábado 28 de maio dende as 8,30 da maña, a nosa asociación dedicará o día ó medio ambiente mariño. Estanse a organizar distintos equipos para, uns por terra e outros por mar, co apoio de submarinistas, deixa-la zona limpa de restos de cabos, plásticos, madeiras ou calquera outra cousa que non pertenza o mar.
Se pinchades aquí: Cartel Dia do Medio Ambiente Mariño, podedes ver o cartel que anuncia esta actividade.
Dende que se cambiou o formato desta páxina, quedara pendente poñer o día o apartado de Os Nosos Barcos. Por fin, nos últimos días, dedicándolle o tempo necesario se puido actualizar. Agora, se pinchades nese botón poderedes ver os barcos da asociación; ainda queda pendente incorporar fotos de algúns barcos navegando, que non tiña.
Máis adiante se intentará incorpora-las embarcacións cedidas e tamén algúns barcos dos socios que amarran no primeiro pantalán da península Ibérica de uso exclusivo para barcos tradicionais.
Xa miramos que alí pola Arousa haiche xente moi traballadora, pero aquí tamén se traballa, mentres os uns fan de carpinteiros de ribeira, os outros dan chapapote, algúns fan chollo de oficina e os demais levan ós rapaces a facer seu bautismo de mar, coa particularidade de que a metade dos bautizados eran rapaces ingleses, que ainda vivindo nunha illa non navegaran nunca…
Durante a proxección aproveitarase para facer unha charla coloquio entre o público asistente.
A entrada, coma sempre, é libre.
Estimados asociados de Mariñeiros Bouzas, recordámosvos que tal como di na convocatoria que se vos mandou por escrito, o vindeiro venres día 08 de Abril as 19 horas en primeira e as 19,30 horas en segunda, celebraremos no salón de actos do IES de Audiovisuais (o lado do Liceo de Bouzas) a Asemblea Xeral Extraordinaria.
Pregamos a todos a vosa asistencia.
A Xunta Directiva